Ekki frá því að ég ætli að pára niður nokkur orð aðeins svona til að sýna fram á það að ég fór á fætur kl 8 og fór ekki aftur að sofa heldur að lesa. Petzan góð í gær. ER var með afar dramatísku yfirbragði þar sem sýndur var fallegur, hægur en samt sem áður rólegur dauðdagi Dr.Greens. Hans banamein var illkynja vöxtur krabbameins í heila, það lagðist á vinstri hluta sem leiddi til minnkaðrar hreyfigetu í hægri hluta líkamans og að lokum talskerðingar. Ótrúlegt hvað náttúran getur verið grimm í að snúast svo gegn sjálfri sér og okkur. E-ð sáralítið klikkar í frumunum þannig að þær hætta ekki að fjölga sér og leggja undir sig allt mögulegt pláss, geta skotið upp kollinum hvar sem er og endað hvar sem er. Mæli með að hætta reykingum og skipta fitu út fyrir trefjar. Einnig er gott að forðast ljósabekki og útfjólubláa geisla sólar, áhrif skemmda vegna þeirra þurfa ekki að koma fram strax! Er að lesa fyrir próf í DNA og RNA þannig að kannski við hæfi að hafa bara fróðleiksmola í dag.

Kominn aftur inn á stúdentagarðslistann, ég fór og tók konuna í bakaríið sem sér um málin og ég held að það hafi skilað sér því ég er númer 39, neinei hún Vilborg er alveg eðalgella sem er ekkert að æsa sig of mikið yfir hlutunum eins og Alex Ferguson sem merkti Beckham skemmtilega. Victoria skrifaði undir skilnaðarpappírana sídegis sama dag og fær helming þar sem hjúskaparsamningur þeirra hjóna kveður á um lýtalausan líkama Davids því ekki kann hann að tala hvað þá vera skemmtilegur.

Það er annars að frétta að Örlygur týndi skólatöskunni sinni á níunda tímanum í gærkvöldi og sagði sig samstundis úr háskólanum og lét eyða stúdentspalgginu sínu, hann fann töskuna aftur í morgun út í bíl. Hann hafði ætlað að flýta fyrir sér morgunverkin en forsjálni hans kostaði hann skólagönguna auk þess sem hann braut rúmplötuna í rúminu sínu í gærkvöldi. Ég vil þakka Úlfi fyrir góð orð í minn garð á gestabókinni-gaman að e-r les þetta ennþá.

Mig dreymdi e-n þann magnaðasta draum sem mig hefur dreymt í háa herrans, ég, Stejáni á kentenum, Viggi og Andri fórum í ótrúlegan LORD OF THE RINGS leiðangur til björgunar alheimsins. Vopn okkar var 2 lítra kókflaska sem var fyllt af 1 kr., hún var síðan hrist og haldið fyrir opið að hálfu. Þá skutust peningarnir út og í Uru-kai og einnig börðust við við entur. Jú Sösi var líka með enda er hann mjög Lordaralegur, við vorum allir í 66°norður göllum því klífa þurfti fjöll og vaða fúkkandi feni. Gaman að dreyma svona skemmtilega.
Leikur við topplið Hauka-b á laugardaginn, með sigri komumst við í 1.sæti b-riðils, leikurinn hefst klukkan fimm. Petr nokkur Baumruk spilar með þeim og Óskar Hunch Ármannson líka. Fyrir hálfleik verður boðið upp á flippbílasprautun og málningu á Skoda-bifreiðum ókeypis, það verður einmitt Petr sem mun sjá um það. Pétur Pólafsson mun kynna stefna Röskvu í búningsklefa fyrir og á meðan á leik stendur því hann mun eflaust ekki spila mikið með sökum ótímabærs rifbeinsbrotsssss. Svo munu þeir Mangi og Gunnar Birgisson sjá um stríðsmáningu fyrir ungu kynslóðina. Rútuferðir verða up í Heiðmörk þar sem hin árlega HK brenna fer fram. Þar verður Hk merkið brennt með viðeigandi áhlöndun viðstaddra og þjóðþekktir Hk-ingar hýddir og að lokum fleygt á bálið. Allt saman frítt fyrir Blika og undir 12 ára.