Drottinn heyr vora bæn.

Vér biðjum fyrir trúendum, heiðingjum sem á bálið ganga, elskendum í raunum og syrgjendum. Vér biðjum fyrir ríkisstjórn okkar, sæförum, leiguliðum og niðursetningum. Vér biðjum þess að sárir sjái ljósið, týndir finni frelsið, raunmæddir reyni gleði og gleymi grátinum. Að lokum vil ég biðja fyrir ykkur lesendur, vinir, óvinir og ókunnugir og skulum vér fela vora bæn í bæn þeirri er guð hefir kennt okkur að biðja.........."faðir vor..............................................svo á jörðu sem á himni, amen".

Sem ég er ég sjálfur hljóp ég 5 km á jafnsléttu eftir vinnu í dag og ´synti nokkrar ferðir, himnesk sæla og vellíðan flaut um líkama minn og var mér fullnægt af þörfum svita og mjólkursýru óhófs. Í gær var knattspyrna iðkuð af bölmóð og vitfirringu sumargleði ungra manna. Sjálfur er ég ekki ánægður með hversu fáir kommenta á þessi orð og dettur mér helst í hug að þessi orð standist alla sáttmála og menn hefi ekkert út á að setja, það passar þegar horft er til þeirrar staðreyndar að ég kom til greina sem næsti páfi og þyki GUÐDÓMLEGUR í atgervi og gjörvilleika, sjálfur vil ég líkja me´r við vélmenni, en það er mitt nýja takmark að ná fullkomnun. Kári Stefánsson er sá maður sem ég horfi til sem átrúnaðargoðs, en hann er einmitt vélmenni.

17. júní nálgast og verð ég með sérstaka einkahátíð á Klambratúni, þar verða drykkjuleikir fyrir ungu börnin og frisbýmót eldri borgara. Fullorðna fólkið getur fundið ýmislegt við sitt hæfi, m.a. verður biblíuspurningakeppni, Hjalti Úrsus mun einhenda Gauja litla, Vagla-Valgeir mun snúa aftur frá Helvíti og einhenda pulsu í bringspalir Gauja litla og Bingó-Bjössi kemur út úr skápnum. Sjálfur verð ég á vappinu að velja útvalda í gapastokkinn og höggstokkinn góða. Að lokum verður skrúðganga út á Kjalarnes hvar David Beckham verður grafinn lifandi á fornu kirkjustæði.

Farið sátt og lifið í samlyndi við aðra trúaða menn, en lærið að hata heiðingjann....