Afsakið biðina þið lesendur út í heimi. Mikið að gera og próf á morgun í Lífeðlisfræði A. Erfitt-nei eða já kannski það verði bara erfitt. Prófið verður þreytt í Valsheimilinu, Markús Máni, Hákon Bragi og Björn Óli verða prófstjórar og gott ef Óli Stef. muni ekki fylgjast með klósettferðum. Maður fær kannski að standa upp taka nokkur skot til að fá heilaflæðið í gang. Prófið á morgun eins og prófið þann 20. er að miklu leyti um heilann og ég er með heila þannig að þetta ætti nú ekki að vera flókið. Og krakkar muni þið að þið hafið aðalhjálpargögnin með ykkur; ykkur sjálf,einmitt! Vaknaði snemma í morgun, er að reyna snúa sólarhringnum aftur við, minnka blóðiðdrykkjuna á nóttunni og svona. Var að fá þær hrikalegu fréttir að það væri leikur við Hauka-b þann 20.des. í utandeildinni. Það er algerlega óásættanlegt, ég er að fara að gera annað þá. Veisla hjá Auðunni- til hamingju Auðunn by the way. Mig dreymdi einmitt Auðunn í nótt- við vorum í fótbolta upp í Kársnesi og staupuðum okkur með Tequila.
Ég er kominn með nýtt sængurver sem að mamma keyti handa mér öllum að óvörum, já hún er mögnuð hún mamma, hún kaupir einmitt nærföt á mig líka og flest öll önnur föt. Það er ekki hægt að vera of sjálfstæður á þessum aldri, það er bara fáránlegt, býst við að flytja að heiman upp fertugt, þá kominn með konu og börn. Talandi um börn-gaman að lesa um hann Bóbó og karatespörk Hreiðars Jr. Hreiðar býr einmitt í sömu götu og ég og lagði dúkinn í herberginu mínu. Hann á náttúrulega inni greiða hjá mér þannig að ef hann vill að ég taki á móti barninu þá er það minnsta málið, bara að dingla upp á svona um tíuleytið á kvöldin eða fyrir 12 á morgnanna. Ég er einmitt mikið búinn að pæla í þessu, nokkuð margir í blokkinni minni litlu(20 íbúðir) eru oft að spyrja mig hvernig gangi í læknifræðinni og halda sennilega að ég viti meira en ég geri í raun- hvað ef e-ð kæmi upp á myndu þeir hringja í 112 og svo dingla á 2a, ja eða öfugt. Hver veit vonandi ekki næstu 2-3 árin. Ég gæti ekki gert mikið meira en að segja hvað væri að.
Þá að Vigga, hann hefur ekki svarað mér formlega þannig að ég hef ákveðið að taka boðið tilbaka, hann getur reynt að sækja aftur um eftir 1 ár, og vinir mínir eru ekki feitir. Ég hef það fyrir víst að Vignir verði orðinn nokkuð magur í kringum fjörtíu ára aldurinn.
Kristján Ingi eins og hann er sjaldan kallaður, ég oftar í flestum handboltakvöldum til þessa, er kominn með blogg: nettur.blogspot.com hefur farið lítinn eins og von er og vísa, þegar menn eru sligaðir af viskusvita Njálssagna og annarra próflestrararka.
Héðinn Gilsson er kominn út af Scrotumdeild, er víst á reynslulausn og stendur í þessum töluðu fyrir utan skólann minn og kallar á mig að koma út, segist þurfa að kvísla e-u að mér. Ég er nú eldri en tvævetra þó ég færi nú létt með að dangla 2-3 laushandarhöggum í grímu þess haffirska.

Nóg komið af þvaðri, þið sem viljið vita e-ð um heilann sendið mér e-mail á kristinh@hi.is og munið að því meira sem þið lærið og lesið, því minna vitiði