Þá er loks tími til að blogga aðeins. Það eru liðnar 7 þúsund maríubænir og 1300 faðir vor síðan þið heyrðuð frá mér síðast. Ég hef kappkostað að halda góðu sambandi við Almættið á þessum síðustu og erfiðu tímum sem hann eins og við göngum nú í gegnum. Þakkir vil ég færa þeim er commentuðu á síðustu ritningu og var þar vel mælt hjá sumum en eigi hjá öðrum, vil ég jafnframt óska eftir því að einstaklingar nafngreini sig þó þið seúð öll jöfn frammi fyrir mér.

Annars er það að frétta frá Páfagarði að kardinálar liggja nú undir feld og íhuga eftirmann Páfa sem jafnframt mun einnig verða titlaður Páfi. Ég hef gefið út þá tilkynningu að ég muni ekki bjóða fram að svo stöddu sökum aldurs og anna í námi, auk þess hef ég ráðið mig í vinnu í sumar hjá skólagörðunum og ég get ekki svikið þann samning.

Liverpool-Juventus í kvöld og sýnist sitt hverjum um hvað það sem fram mun fara þar. Eitt er víst að um götur Tórínóborgar mun blóðugt stórfljót flæða, stórorrusta fer fram, Steve G. verður ekki með en hann er að reyna að hætta að reykja og er í það miklu fráhvarfi að ekki náðist að koma honum fram úr rúminu í morgun fyrir flugið til Ítalíu. Í stað hans mun Peater Beardsley stjórna miðjuspilinu og leynivopnið í sóknini verður enginn annar en John Aldrige.

síra: "Friður sé með yður"
kórinn: "og með þínum anda"