Þar sem tveir kristnir menn koma saman þar er messa.
Þar sem tveir heiðingjar koma saman þar er galdrabrenna.

Ég hef ákveðið að halda pennanum á lofti en og aftur og einhendi með honum gleðifréttir og sögur fram á ritvöllinn. Tilefni þess er e-mail frá Tómasi er dvelur löngum nóttum í Helsingborg og spilar tölvuleiki í flughermi sem kostar 100.000 á klst. Vil ég hvetja lesendur og aðra fylgendur að fara eftir leik Tómasar og senda mér e-mail á kristinh@hi.is , dregið verður úr innsendum e-mailum og fær besta e-mailið vikuferð upp í Grafarvog sér að kostnaðarlausu, gist verður í Berjarima 15 íbúð 181 hjá Óla bónda úr gömlu Engihjallar-klíkunni, innifalið er morgunmatur og ferð yfir hina stórmerkilegu Gullinbrú sem reist var á tíunda áratug síðustu aldar. Aukalega fá vinningshafar ókeypis tattú hjá móður hans Óla sem er aldraður glákusjúklingur með þvagfærasýkingu.

Nú er enn ein helgin að taka við, löng og skemmtileg vika að baki þar sem ég hef dvalið tímunum tvennum á meltingardeild lyflæknissviðs í Fossvogi og læknað niðurganga, skorpulifur, dreyrarsýki, brókarsótt og aðrar meinsemdir. Ég hef vakið mikla athygli á sjúkrahúsinu fyrir nýstárlegar lækningaraðferðir, helst ber þar að nefna: ísbakstra, særingar á illum öndum, töppun á slagæðablóði, notkun sviðakjamma og síðast en ekki síst heilags kross og ELDS. Reyndar er fjöldi þeirra sem ég þarf að meðhöndla til að einn læknist 10.000 (number nedded to treat (NNT)) en hvernig fóru menn að fyrir 100 árum segi ég bara.

Og síðast en ekki síst vil ég hvetja alla til að fasta nú þegar Páskarnir nálgast, sjálfur hef ég efnt til svokallaðra föstuferðar upp í Hrunamannahrepp þar sem ég mun mynda hring með glóandi kyndlum,alls um 200m að þvermáli, þar mun ég skíra heiðna, ferma kristna, brenna melrakka og síðast en ekki síst segja Vagla-Villutrúar-Valgeir úr samfélagi við lifandi menn.............

......ekki vil ég með álfum búa.......heldur vil ég á krist minn trúa