Komið þér sæl

Vil ég biðja alla lesendur um gjörvallan heim að biðja fyrir Púritananum sem berst við freistingar satans og dauðlegan fnyk Vagla-Vageirs, illa var vegið að stríðsmönnum mínum á stað þeim er Ari-í Ögri fyrst sté að landi. Bölvun hvílir á þeim stað og lýsi ég hann hér með úr samfélagi við menn og dýr, sú ónáttúra er þar fer fram er hryggdýrum og andlegum sálum eigi til lífvænis.

Já ekki laust við stemningu hér á Grundinni sem byggð var og reist á því herrans 1925 ef ég man rétt. Hér lækna ég og lina, sálubjarga, og hlúi að gleði og sorg í öllum sínum hversdagsleika. Hér hef ég hlegið, hér hef ég grátið, hér hefi ég ondan mat etið en góðar kvöldstundir átt og hér mun ganga mín brátt enda því á hærri slóðir stefni með fulli virðingu fyrir staðnum sem við öll munum að lokum læra að elska.

Hér var að berast frétt frá Flosa-fréttum : "Halldór Ásgrímsson sagði af sér sem forsætisráðherra á sjötta tímanum í dag og hefur að eigin sögn tekið sæti framkvæmdarstjóra öryggisráðs sameinuðu þjóðanna sem að hans sögn er lengsta nafn á starfi sem hann hefur gegnt (hugsanlega málfarsvilla), ólyginn sagði að hugsanlegur eftirmaður hans verði hinn glaðhlakkanlegi Gunnar A. Sveinbjörnsson sem hefur gert garðinn frægan sem verslunarstjóri í Gróðrarsölunni "Maxims" í Mosfellsbæ. Gunnar tekur á móti gestum og gangandi í íbúð #34 í Engihjalla 17 ,Kópavogi, þess má geta að hér er um fyrsta Kópavogsbúa til að gegna embættis á Alþingi að ræða. Í tilefni þess hefur Gunnar Birgisson nafni Gunnars ákveðið að gefa 115 kg. til mæðrastyrksnefndar sem er kjörin búbót nú þegar Páskarnir nálgast.

Að lokum vil ég blessa þetta blogg og fela það og allar okkar bænir í þeirri bæn sem guð hefir kennt oss :

"Faðir vor, þú sem ert á himnum. Helgist þitt nafn, til komi þitt ríki, verði þinn vilji, svo á jörðu sem á himni. Gef oss í dag vort daglegt brauð. Fyrirgef oss vorar skuldir, svo sem vér og fyrirgefum vorum skuldunautum. Og eigi leið þú oss í freistni, heldur frelsa oss frá illu. Því að þitt er ríkið, mátturinn og dýrðin að eilífu, amen. "