Hallelúja heysanna hósanna. Í dag eru komnar 40 vikur í þroskaferli Flame Jr. Hann mun brátt líta þann heim augum sem hann mun erfa. Til mín hafa leitað faríseyar með gull, reykelsi og myrru sem ég afþakkaði pent þar sem við búum í 40 fermetra íbúð sem er orðinn yfirfull. Nú standa yfir inntökuviðtöl vegna hlutverka lærisveina sem munu fylgja drengnum í einu og öllu. Mér fyndist réttast að Pétur og Tómas tækju það m.a. annars að sér vegna nafngifta. Sjálfur verð ég Guð faðir almáttugur.

jæja þetta er komið gott af þessu.
Annars er það í fréttum að Björn Bjarnason hefur lýst því yfir að íslendingar muni innan skamms hefja viðskiptaþvinganir gegn N-Kóreu láti þeir ekki af drýsilskap.Kim Yl-Young hló að þessu og bauði Birni í heimsókn að skoða hákarlabúrið sitt.
Nýleg rannsókn sem birt var í Der Spiegel sýnir að allir íbúar jarðarinnar að undanskildum Íslendingum eru á móti hvalveiðum. Halldór Blöndal kvatti í kjölfarið til enn meiri veiða og skellti í sig hráaum langreyðsaugum að viðstöddu fjölmenni. Talið er að nú sé útrás okkar lokið út í heimi en skv. Einari Bárðarsyni mætti enginn á tónleika Nylon í The London Royal Albert hall í gærkvöldi, atvikið er talið áfall fyrir Einar Bárðarson.

Nóg að sinni