Nýji teljarinn minn þýtur áfram, eins og ég að lesa glósurnar hans prof. Jónasar Magnússonar.

Það er tekið að siga á seinni hluta kvölds, rökkri er tekið að halla, næturkonungur farinn að hvísla yfir öxl mér og er ég ekki frá því að stutt sé í endurtekinn slow-wave svefn með tilheyrandi tachycardiu og óværileika í svefni sökum kæfisvefns er ég hefi hlotið vegna skakks nefs.

Skrifa hér hugsanir mínar og dagdrauma 4 ef ekki 5. daginn í röð. Held samt að enginn sé að lesa þar sem ég hef refreshað síðuna það oft. Djöfullinn, svona er maður misheppnaður, ef einhver þarna úti myndi bara gefa mér eitt lítið merki, eitt sannleikskorn um að svo sé ekki, t.d. senda mér tölvupóst á kristinh@hi.is eða bara commenta í commentkerfið þá væri ég hamingjusamur sem nýfætt ungabarn.

Ég hef vírus grunaðan um að leggjast á tölvu mína, hún blæs og móðir sem í andnauð, ég var vinsamlegast beðin um að færa mig aftur í tíma í dag sökum hávaða, nánar tiltekið var það Róbert Paulson sem hreytti því að mér, ég held hann viti ekki hvað ég tók það til mín. Ég fór í ræktina og lyfti lóðum í 3 klst. til að ná mér niður og hljóp 7 km. Eftir það synti ég í 2 klst og grét.

Er markmið lífsins að vera ignorant og leiðinlegur eða er það kannski kreatínín í þvagi sinnum rúmmál deilt með styrk í plasma. Svo margar spurningar svo lítill tími, ég er orðinn 24 ára og bráðum 25 ára, skv. fyrirlestrum undanfarna daga er ég kominn með mikla æðakölkun og farið að styttast í krabbameinið.

Jæja mál að sinni
verð að segja bless
þið viljið að þessu linni
....................................... sá sem getur botnað þetta endilega commentið, please og refreshið í leiðinni........