Eftir mikið bænahald og föstu í tilefni afmæli míns, sírans, hef ég loks ákveðið að koma aftur fram á ritvöllinn á fák pennann og orðsins. 25 ára fyrir viku síðan og hlaut ég af miklar og fagrar gjafir. 3 uxa fekk ég senda frá páfagarði og rauða hempu er Píus páfi II gekk með er hann kristnaði Engilsaxana á 5.öld. Kross fékk ég um hálsinn frá Kristjáni I, dánarstaður frelsarans steyptur í silfur til að minna mig og aðra á grundvöll frelsis og hamingju í okkar samfélagi. iPOD fékk ég frá ástkonu minni Söru hinni fögru er ættuð frá Húnum í aðra ættina og Spánskum sjóförum í hina, hann mun ég nota í innblástur og sáluhjálp.

Vika í 21,1 kílómetra, Reykjavíkurmaraþonið og sitt sýnist hverjum um það, sjálfur mun ég bera kross á bakinu allt hlaupið til að minna á að í ár eru 2005 ár frá því bróðir minn og frændi ykkar allra lést fyrir syndir alheimsins á krossinum, hann var góður maður sem reyndist mér vel og kunni svo sannarlega að elska náungann. Hann þótti laginn við smíðar, veiðar, bakstur og umbreytingu á vatni í vín. Hann hagnaðist vel á fyrri árum með uppistandi og stórkostlegum storkunum á náttúrulögmálum sem þá voru ekki þekkt eins og E=mc í öðru veldi (þeas. c-ið).

Núna sit ég í myrkrinu og hlusta á Mogwai sem ég hef ekki gert svo lengi. Og þá er komið að fyrirsögnum fyrir hálfvita.

Alice Cooper fór mikinn í Kapla-Krika í kvöld.

Páfi for-dæmir heið-ingja og fjöl-gyðis-trú, neitar ásökunum um aðild að Hitlers-æsku í bernsku

Magnús Scheving kynnir Lata-bæ í Derka Der-kistan

Grafar-vogur hefur sagt sig úr lög-sögu við Reykjavík og hugar að land-vinningum í Mosfellsbæ

Ryan Phillip hefur sagt sig úr lögsögu við Reese Witherspoon og tekið saman við Ástþór Magnússon

Dr. Magnus Himmelbjerget hefur fundið út eftir áratuga rannsóknir á andefnum og hvatberaerfðaefni nefapa samanborið við Háfjallaskjaldbökuna að kona sín Lisa Galgöpping sé leiðinleg og hefur þegar farið fram á skilnað.

Góða nótt kæru vinir......megi Guðs englar vaka yfir ykkur, verða ykkur náðugir og gefa yður frið.

Amen